Афғонистонда террорчи ва наркокурьерлар гуруҳи қамоқдан қочиб кетди

Афғонистоннинг Майдон Вардак вилоятидаги қамоқхонадан ўн нафар маҳбус қочиб кетди. Бу ҳақда 1TV телеканали минтақа маъмуриятига таянган ҳолда хабар бермоқда.

«Ўн нафар маҳбус қочиб кетди, улардан иккиси – «Толибон» радикал ҳаракати террорчиси, шунингдек саккиз нафар наркофуруш бор», - дейилади хабарда.

Маҳбуслар қамоқхонадан жума куни қочиб кетган. Рўй берган ҳодиса иккита махсус комиссия томонидан текширувдан ўтказилмоқда.