Япония АҚШдан 25 та қирувчи самолёт харид қилади

Япония ҳукумати яқин олти йил ичида 25 та F-35A қирувчисини сотиб олишни режалаштирмоқда. Бу ҳақда Reuters уч нафар манбага асосан хабар берди.

«Бюджет ва ишлаб чиқариш режалари ҳисобга олинган ҳолда, тахминан 25 та самолётни харид қилиш тўғри бўлади, деб ҳисобланмоқда», - дея хабар берган манба.

Хабарга кўра, ҳар бир тайёр қирувчи мамлакатга тахминан 100 млн долларга тушади. Манбанинг таъкидлашича, самолётларни мамлакатда йиғиб ўтирмасдан, АҚШдан тўғридан тўғри харид қилиш режалаштирилган.