Тошкентда Тожикистон савдо уйи очилди

Фото: News.tj

Тошкентда Тожикистоннинг савдо уйи очилди, дея ёзмоқда News.tj.

Савдо уйида ҳозирча «Гаюр» компаниялар гуруҳининг қурилиш маҳсулотлари тақдим этилган, келгусида рўйхатни Тожикистонда ишлаб чиқарилган бошқа товарлар билан кенгайтириш режалаштирилмоқда.

«Гаюр» компаниялар гуруҳи нафақат Тожикистонда, балки бутун Марказий Осиёда энг йирик цемент ишлаб чиқарувчи ҳисобланади.

«Гаюр» компаниялар гуруҳи цемент ишлаб чиқариш билан бир қаторда, гипсокартон, армстронг ва металл профиллар, қурилишда ишлатиладиган оҳак, полипропилен қоплар, бетон маҳсулотларни тақдим этади.