Ҳиндистонлик келин-куёвнинг тўй совғалари орасидан бомба чиқди

Фото: NDTV

Ҳиндистонда ёш жуфтликнинг тўй совғалари орасидан бомба чиқди. NDTV шу ҳақида хабар берди.

Манбада маълум қилинишича, воқеа Одиша штатидаги тўй тантанасидан бир неча кун ўтиб содир бўлган. Янги оила вакиллари тўй совғаларини очиб кўришаётганида кутилмаганда совғаларнинг бири портлаб кетди.

Куёвнинг бувиси воқеа жойининг ўзидаёқ ҳалок бўлди. Ёшлар шифохонага етказилди. Бироз вақт ўтиб, куёвнинг жони узилди, келин эса - шифохонанинг жонлантириш бўлимида қолмоқда.

Полиция ходимлари ким ва нима учун бомбани совғалар орасига жойлаганига аниқлик киритишга ҳаракат қилишмоқда, шу билан бирга, портловчи қурилма турини ўрганишмоқда.