Трамп отишма пайтида ўзини қандай тутишини айтиб берди

Фото: AP

АҚШ президенти Дональд Трамп Оқ уйда штатлар губернаторлари билан учрашувда Флоридадаги мактабда рўй берган отишма вақтида ўша жойда бўлганида ўзини қандай тутган бўлиши мумкинлигини айтиб ўтди. Бу ҳақда Associated Press хабар бермоқда.

«Аслида нима рўй бериши мумкин бўлганини ҳеч қачон аниқ билмайсан, бироқ менинг ишончим комилки, мен қуролим бўлмаса ҳам мактаб ичига чопиб кирардим ҳамда ўйлашимча, бу ерда бўлганларнинг деярли ҳар бири шундай қилган бўларди», - дея айтиб ўтди Трамп.

Хабар қилинишича, Трамп учрашувнинг катта қисмини Флоридадаги мактабда рўй берган ҳодисани муҳокама қилишга бағишлаган. 14 февраль куни у ерда собиқ ўқувчи милтиқдан 17 кишини отиб ташлади.