Жанубий Корея прокуратураси собиқ президент учун 30 йил сўради

Жанубий Корея прокуратураси мамлакат собиқ президенти Пак Кин Хени 30 йилга озодликдан маҳрум этишни талаб қилди. Бу ҳақда Reuters хабар бермоқда.

Пак Кин Хега 2017 йилнинг мартида импичмент эълон қилинганди, апрелда эса у қўлга олинди. Собиқ президент коррупция, мансаб ваколатларини суиистеъмол қилиш ва давлат сирини ошкор этишда айбланмоқда.

Хусусан, аниқланишича, давлат раҳбарининг дугонаси Чхве Сун Силь ҳеч қандай расмий лавозимни эгалламай туриб сиёсатга таъсир кўрсатган. У ўз таъсири ёрдамида ўзининг хайрия жамғармалари учун маблағлар ажратилишига эришган, сўнг пулларни ювган.