«Бавария» ҳужумчиси Роберт Левандовски «Реал» клубининг асосий трансфер мақсадига айланди, деб хабар беради The Independent.
Мадридликлар жуда кўп вақт давомида «Тоттенҳэм» ҳужумчиси Ҳарри Кейн трансферини амалга оширишга ҳаракат қилишди. Аммо, унинг трансферини амалга ошириш жуда мураккаб бўлгани учун, «Реал» ўз мақсадини ўзгартирди.
Аввалроқ, «Реал» 29 ёшли Левандовски учун 150 млн евро тўлашга тайёр экани, бундан ташқари битимга Хамес Родригесни ҳам қўшиб бермоқчи экани ҳақида хабарлар тарқалган эди.
