Украинада газ йўқлиги сабабли мактаблар ва университетлар ёпилиши мумкин

Украина энергетика ва кўмир саноати вазири Игорь Насаликнинг сўзларига кўра, мамлакатда 15-20 млн кубометрлик дисбаланс туфайли газ истеъмоли вақтинчалик чекланди. Бу ҳақда «Украинская правда» хабар бермоқда.

«Нафтогаз» раҳбари Андрей Коболевнинг сўзларига кўра, «Газпром» томонидан суд билан белгиланган шартнома мажбуриятлари бажарилмагани ва аввалдан тўланган пул қайтарилгани туфайли, Нафтогаз тахминан 15-20 млн куб газни ташкил этувчи дисбаланс билан тўқнаш келди», - дея айтиб ўтди Насалик.

Шу муносабат билан, дея хабар қилган Насалик, инқироз штаби йиғилиши доирасида Миллий ҳаракатлар режаси жорий этилди, унинг доирасида қатор чоралар, хусусан – юзага келтирадиган компанияларни газдан мазутга ўтказиш назарда тутилган.

«Иккинчидан, биз мактабгача таълим муассасалари, мактаблар ва олий ўқув юртларида 6 мартгача муддатга ишни бутунлай тўхтатиш ҳақида кўрсатма бердик. Шу билан бирга, бу муассасаларда ҳарорат режими минимал рухсат берилган нормаларда бўлиши юкланди», - дея қайд этиб ўтди у.

Шунингдек унинг хабар беришича, ишлаб чиқариш объектларига ресурслар билан боғлиқ вазиятни ҳисобга олган ҳолда ҳаракатлар режасини қайта кўриб чиқиш тавсия этилди.