АҚШда 2017 йилнинг энг ёмон фильми, сценарийси ва режиссёри маълум қилинди

Фото: Columbia Pictures/LStar Capital/Sony Pictures Animation

«Олтин малина» Америка антимукофоти ташкилотчиларининг талқинига кўра, «Эможи фильм» 2017 йилнинг энг ёмон картинаси деб тан олинди. У энг ёмон сценарий учун ҳам қайд этилди, унинг режиссёри Тони Леондис эса энг ёмон режиссура учун антимукофотни қўлга киритди.

Мукофот сайтида эълон қилинган видеороликда айтилишича, «Эможи фильм» сценарийси «Ҳолливудда нима жойида эмаслигини» кўрсатади.

«Энг ёмон фильм» номи учун «Трансформерлар: сўнгги рицар», «Эллик рангга қоронғуроқ», «Мўмиё» ва «Малибу қутқарувчилари» ҳам даъвогарлик қилди.

Энг ёмон актёр сифатида Том Круз тан олинди. У «Мўмиё» фильмида бош ролни ижро этган.