«Ҳадис ва Ҳаёт» китобларининг тўлиқ тўплами сотувга чиқарилди

Шайх Муҳаммад Содиқ Муҳаммад Юсуф муаллифлиги остида ёзилган «Ҳадис ва Ҳаёт» силсиласи машҳур аллома, Қоҳирадаги «ал-Азҳар» дорилфунуни мударрисларидан бири шайх Мансура Али Носиф ҳазратларининг «Ат-тож ал-жомеъ лил-усул фии аҳадийсур Расул» («Расул соллаллоҳу алайҳи васалламнинг ҳадисларидан аслларни жам қилувчи тож») деб номланган улкан асарларига ёзилган комил ва шомил шарҳлардан иборат тўпламдир. Мазкур тўпламнинг тўлиқ ҳажми қайта нашр қилиниб, сотувга чиқарилди.

Айтиш мумкинки, «Ҳадис ва Ҳаёт» силсиласининг дастлабки жузлари чоп этилиши билан китобсеварларнинг севимли асарига айланиб, кўплаб мухлисларнинг жавонларидан, мўмин-мусулмонларнинг қалбидан чуқур ва муносиб ўрин олди.

Маълумот ўрнида: Ушбу тўпламни «Ҳилол» нашриёт-матбаасининг дўконларидан харид қилишингиз мумкин.