«Барселона» «Атлетико»ни енгиб, орадаги фарқни оширди

Испания чемпионатининг 27-турида «Барселона» «Атлетико»ни мағлуб этди. «Камп Ноу» стадионида кечган учрашув майдон эгаларининг 1:0 ҳисобидаги ғалабаси билан якунланди.

Ўйиндаги ягона гол Лионель Месси ҳисобига ёзилди, у 26-дақиқада жарима зарбасини голга айлантирди.

Бу мағлубиятдан кейин «Атлетико» Примерада 6 ўйин давом этган ғалабали сериясини тўхтатди.

«Барселона» эса очколари сонини 69тага етказди ҳамда турнир жадвалида пешқадамлигини мустаҳкамлади. Иккинчи ўриндаги «Атлетико» 61 очко билан қолди.

Испания чемпионати
27-тур
Барселона – Атлетико 1:0 (1:0, 0:0)
Гол: 1:0 – 26 Месси.
Барселона – тер Стеген, Умтити, Пике, Альба, Коутиньо (Паулиньо, 84), Серджи Роберто, Бускетс, Ракитич, Иньеста (Андре Гомеш, 36), Месси, Суарес.
Атлетико – Облак, Хименес, Филипе Луис (Люка Эрнандес, 75), Врсалько (Корреа, 59), Годин, Сауль, Габи (Гамейро, 66), Парти, Коке, Гризманн, Диего Коста.
Огоҳлантиришлар: Месси (30), Врсалько (31), Хименес (57), Ракитич (69).