Фото: AP Photo / Gary Wiepert
АҚШнинг шимоли-шарқидаги бир қатор штатларда қор бўрони туфайли 3 мингдан кўпроқ авиарейс бекор қилинди ва 9 мингдан кўпроғи ушлаб қолинди. Бу ҳақда FlightAware сайти маълум қилди.
Нью-Йорк, Коннектикут, Нью-Гэмпшир, Вермонт, Массачусетс ва Пенсильвания штатларида кучли қор кузатилган. Бу охирги ҳафтада ушбу минтақада кузатилаётган иккинчи жиддий қор бўрони бўлди.
