Трамп АҚШ Эрон билан ядровий келишувдан қандай шартда чиқишини айтди

АҚШ президенти Дональд Трампнинг Исроил бош вазири Беньямин Нетаньяҳу билан учрашув давомида маълум қилишича, Қўшма Штатлар Эрон билан ядровий келишувдан чиқиши мумкин. Бу агарда Буюк Британия, Франция ҳамда Германия келишувда «жиддий ўзгаришларга» эриша олмаса юз беради. Бу ҳақда Axios портали исроиллик номи ошкор этилмаган манбаларга асосан хабар қилди.

Нашр маълумотларига кўра, Трамп ва Нетаньяҳу Оқ уйда 5 март куни учрашган ҳамда асосан Эронни муҳокама этишган.

АҚШ президенти сўзларига кўра, Европа иттифоқи мамлакатлари Эрон билан келишувга фақат «косметик» ўзгаришларни таклиф қиляпти. Трампнинг таъкидлашича, агарда унинг глобал ўзгаришлар бўйича талаблари бажарилмаса, АҚШ келишувдан чиқиб кетади.

Эслатиб ўтамиз, аввалроқ АҚШ вице-президенти Майк Пенс агарда Эрон ядровий келишуви қайта кўриб чиқилмаса, АҚШ ундан дарҳол чиқиши ҳақида маълум қилганди.