Фото: AFP
Сенегал жануби-ғарбида, соҳил яқинида армия вертолётининг қулаши оқибатида 13 киши бедарак йўқолган, 7 киши қутқариб қолинган. Бу ҳақда маҳаллий Senego ахборот портали маълум қилди.
Воқеа Фатик вилоятидаги Миссира қишлоғи яқинида юз берган. Портал маълумотларига кўра, вертолёт бортида 20 киши – 16 йўловчи ва экипажнинг 4 аъзоси бўлган. Ҳукумат маълумотларига кўра, 7 кишини сувдан чиқариб олишга муваффақ бўлинган. Қолган 13 кишининг тақдири номаълумлигича қолмоқда.
Воқеа юз берган ҳудудда қидирув-қутқарув операцияси олиб борилмоқда.
