Фото: Басра стадиони
ФИФА Ироқ ҳудудида расмий футбол ўйинларини ўтказишга рухсат берди, деб хабар беради ташкилот раҳбари Жанни Инфантино.
«Биз Басра, Карбало ва Эрбил шаҳарларида халқаро ўйинларни ўтказишга рухсат берамиз. Бағдод бўйича эса бир қарорга келмадик, аммо, муаммо ўрганиб чиқилмоқда» - деб Инфантино сўзларини келтирмоқда AFP.
21 март куни Басра шаҳрида Ироқ, Қатар ва Сурия терма жамоалари ўртасида ўртоқлик турнири ўтказиш режалаштирилмоқда.
Инфантино сўзларига кўра, ФИФА бунга рухсат берган, аммо ташкилотчилар ўйинларни ўтказиш ёки ўтказмаслик ҳақида ўзлари бир қарорга келиши лозим.
