Роналду жорий йилда энг кўп гол урган футболчи

Фото: Reuters

Испания чемпионатининг 29-тури доирасида «Реал» «Жирона»ни қабул қилди ва 6:3 ҳисобида ғалабага эришди.

Мадридликлар ҳужумчиси Криштиану Роналду ўйинда покер муаллифи бўлди.

33 ёшли португалиялик футболчи 2018 йил бошидан буён 13 ўйинда майдонга тушиб, 21 гол урди. У эндиликда Европадаги топ-5 чемпионатларда бу кўрсаткич бўйича етакчига айланган.

Роналду йил бошидан буён бир покер, бир ҳет-трик қайд этди, шунингдек, 6 марта дубль қайд этилган, у икки ўйинда биттадан гол урган. Роналда қаторасига 8 ўйинда узлуксиз гол урди.

Португалиялик футболчи «Олтин бутса» учун имконият сақлаб қолмоқда. Ҳозирда мавсумда энг кўп гол урган Муҳаммад Салоҳда 28 гол бор. Роналду Примерада жами – 22 гол урган.

Бу голлар португалиялик футболчига Примера тўпурарлари рўйхатида «Барселона» ҳужумчиси Луис Суаресни (21) қувиб ўтиб, 22 гол билан 2-ўринга кўтарилишини таъминлади. Рўйхатда биринчи ўринда Примера ўйинларида 25 гол урган «Барселона» ҳужумчиси Лионель Месси бормоқда.

Қайд этиш керакки, Роналду жорий мавсумда ҳар голи учун ўртача 92,5 дақиқа сарфламоқда. Мессида бу кўрсаткич 98,4 дақиқани ташкил этган, Суаресда эса – 106,8 дақиқа.

Мавсум тўпурарлари