Россия Савченкони ёллаганини рад этиб чиқди

Россия президенти матбуот котиби Дмитрий Песков Украина Олий радаси депутати Надежда Савченко Россия қамоқхонасида жазони ўтаётганида ёллангани ҳақидаги маълумотни рад этиб чиқди. Бу ҳақда Песков «МИР 24» каналига берган интервьюсида айтиб ўтди.

«Албатта, бу ёлғон маълумот. Савченко – Украинанинг ички ишидир. Кузатиш жуда қизиқ бўлиб турибди. Бугун Европа етакчилари мулоқотни давом эттирмоқда, кун охиригача Киевдаги ҳукуматга Савченкони озод этиш бўйича талаб қўйилган қандайдир баёнот қабул қилиниши ёки қилинмаслиги ҳам қизиқ. Кузатамиз», - дея айтиб ўтди Песков.

Эслатиб ўтамиз, аввалроқ Украина Олий радаси депутати Надежда Савченко қўлга олинганидан сўнг баёнот берганди. «Ҳукумат ўз танловини амалга оширди, энди сизлар танлашингиз керак», - дея айтиб ўтган Савченко.