КХДРдан бўлган сирли поезд Пекинни тарк этди

Фото: KCNA

КХДР етакчиси Ким Чен Иннинг Пекинга эҳтимолий ташрифи ўз якунига етди, деб хабар қилмоқда Reuters.

Таъкидланишича, сешанба куни тахминан ўнта автомобиль ва катта қора лимузиндан иборат бўлган кортеж мотоцикллар ҳамроҳлигида шаҳардаги асосий темирйўл вокзалига йўл олган. Шу билан бирга, полициячилар туманни қўриқлаб туришди, шунингдек, фотосуратчиларга халақит беришга уринган шахслар ҳам бўлган.

Хабар қилинишича, автомобилларда дипломатик рақамлар бўлмаган. Кейинчалик Ким Чен Ин бўлиши мумкин бўлган поезд Пекинни тарк этди.

Эслатиб ўтамиз, аввалроқ Ким Чен Ин ташрифи ҳақидаги хабарлардан сўнг Пекинда хавфсизлик чоралари кучайтирилганди.