Лондон қотилликлар бўйича илк бор Нью-Йоркни ортда қолдирди – ОАВ
Лондон охирги икки ой – февраль-март натижаларига кўра илк бор замонавий тарихда қотилликлар сони бўйича Нью-Йоркни ортда қолдирди. Бу ҳақда The Independent on Sunday нашри хабар бермоқда.
Нашр маълумотларига кўра, Лондонда қотилликлар сони кескин ошиши кузатилмоқда. Февралда Лондонда 15 та, Нью-Йоркда эса 14 та қотиллик содир этилган. Лондон бу кўрсаткич бўйича АҚШнинг энг йирик шаҳрини мартда ҳам ортда қолдирди: 22 та қотилликка 21 та қотиллик.
Совуқ қурол ишлатилган ҳолда содир этилувчи жиноятлар ҳозирда Англия ва Уэльсда 2011 йилдан бери максимал даражада бўлмоқда, у ўтган йил 12 фоизга ошган.
Лондон ва Нью-Йорк шаҳарларнинг маъмурий чегаралари ҳисобга олинса, аҳолиси сони бўйича деярли тенг (мос равишда, 8,8 ва 8,6 млн киши). Бироқ Нью-Йорк ўз атрофидаги ҳудудлар билан ҳисобланса, аҳолиси Лондоннникидан анча кўпроқни ташкил қилади.
Шу билан бирга Лондон анъанавий равишда Нью-Йоркка нисбатан хавфсизроқ шаҳар ҳисобланади. Ўтган йил натижаларига кўра, Лондонда содир этилган қотилликлар сони Нью-Йоркдагидан 2 баробар кам бўлган.
Мавзуга оид
09:40 / 27.09.2024
Лондон Россиянинг СТГ секторига қарши санкцияларни кенгайтирди
22:37 / 17.09.2024
Лондондаги Оксфорд-стрит кўчаси пиёда учун мўлжалланган ҳудудга айлантирилади
14:50 / 16.09.2024
Буюк Британияда “Лазги” спектакли намойиш этилди
08:50 / 14.09.2024