Март ойидаги инфляция даражаси ҳақида маълумот эълон қилинди

Давлат статистика қўмитаси томонидан 2018 йил март ойи учун Ўзбекистон Республикаси истеъмол секторидаги инфляция даражаси эълон қилинди.

2018 йил март ойида республика истеъмол бозоридаги нархлар ўртача 1,1 фоизга ошди. Маҳсулотлар март ойида ўртача 1,2 фоизга, хизматлар эса 0,5 фоизга ошди. 

Озиқ-овқат маҳсулотлари ой давомида ўртача 1,3%га қимматлашди. Бу эса ўз навбатида ИНИнинг умумий ўсишига 0,6 ф.д.да таъсир кўрсатди.

Ноозиқ-овқат маҳсулотлари ўтган ойга нисбатан 1,1%га ўсди, бу эса ИНИнинг умумий ўсишига 0,4% даражада таъсир кўрсатди.