Ўзбекистон импорт товарлари учун божларни камайтиришни режалаштирмоқда

Фото: Dreamstime

Ўзбекистонда ташқи иқтисодий фаолиятни янада тартибга солиш ва бож-тариф назоратини такомиллаштириш бўйича чора-тадбирлар амалга оширилиши режалаштирилмоқда.

Ўзбекистон президентининг «Ўзбекистон Республикаси ташқи иқтисодий фаолиятини янада тартибга солиш ва бож-тариф назоратини такомиллаштириш чора-тадбирлари тўғрисида»ги қарори лойиҳаси муҳокама учун эълон қилинди.

Ҳужжат билан 1 майдан Ўзбекистон ҳудудига олиб кирилаётган импорт товарлари учун божхона божлари ставкалари ва акциз солиғи ставкалари ўрнатилади.

Ҳужжатда айтилишича, 2018 йил 1 июлгача Ўзбекистонда «Интеграцияланган тариф» интерактив ахборот платформасини татбиқ этиш режалаштирилмоқда, у ташқи иқтисодий фаолият иштирокчиларига реал вақт режимида бепул асосда барча турдаги маҳсулотларнинг божхона расмийлаштируви учун зарур бўлган ҳужжатлар тўлиқ рўйхати ҳақида батафсил маълумот олиш имкониятини беради.

2018 йил 1 июлга қадар товарларни мамлакатга олиб киришда божхона тўловлари бўйича имтиёзларни бекор қилиш борасида таклифлар ишлаб чиқилади.

Тайёрлаган: Отабек Матназаров

#импорт #бож