Ўзбекистон Қирғизистон кўмирининг асосий харидори бўлиб қолмоқда

2026 йил январь-март ойларида Қирғизистон корхоналари Ўзбекистонга 277 минг тоннадан ортиқ тошкўмир, 124 минг тоннадан ортиқ қўнғир кўмир жўнатган.

Фото: Қирғизистон Энергетика вазирлиги

Қирғизистон импорт қилинадиган тошкўмир харидларини 81,4 фоизга қисқартирди, бироқ лигнит экспортини 67,5 фоизга оширди. Ўзбекистон маҳаллий ёқилғининг асосий харидори бўлиб қолмоқда, дейилади Қирғизистон Миллий статистика қўмитаси маълумотларида.

2026 йил январь-март ойларида Қирғизистон хорижга 1 миллиард 241,4 миллион қирғиз сўми қийматида 294 минг 48,6 тонна тошкўмир етказиб берди. Жўнатмалар ҳажми 1,2 фоизга камайди, бироқ даромадлар 4,7 фоизга ошди. Асосий импортчи Ўзбекистон бўлиб, Қирғизистон корхоналари 277 минг 377 тонна кўмир жўнатган.

Шу билан бирга, қўнғир кўмир (лигнит) экспорти 67,5 фоизга ўсиб, 166 минг 440,3 тоннага етди. Етказиб беришнинг умумий қиймати 799 миллион 388 минг қирғиз сўмини ташкил этди.

Миллий статистика қўмитаси асосий харидорлар орасида қуйидагиларни ажратиб кўрсатди:

Ўзбекистон - 124 минг 110,7 тонна;
Тожикистон - 31 минг 703,5 тонна;
Хитой - 10 минг 187,7 тонна.

Таъкидланишича, айни пайтда Қирғизистон чет эл ёқилғисидан воз кечмоқда. Тошкўмир импорти 28 минг 908,9 тоннагача камайди - бу 2025 йил даражасининг атиги 18,6 фоизини ташкил этди. Харид харажатлари 94 миллион 435,4 минг қирғиз сўмигача камайди. Қирғизистон деярли барча кўмирни Қозоғистондан (28 минг 902,4 тонна) сотиб олган.