АҚШ Хитойга нисбатан янги божлар тайёрлаб қўйди

Америка Қўшма Штатлари Хитойдан етказиб берилувчи машиналар, ускуналар ва бошқа кўплаб техникаларга божлар жорий этиши мумкин. Бу ҳақда РИА «Новости» АҚШ савдо ваколатхонаси бошқармасининг таклифлар рўйхатига асосан хабар бермоқда.

Рўйхат ўз ичига 1,3 мингта позицияни қамраб олади. Улар орасида – электрмобиллар, мотоцикллар, локомотивлар, кемалар, катерлар, дастгоҳлар, телекоммуникация ускуналари, қатор соҳалар, жумладан авиация, тиббиёт учун эҳтиёт қисмлари, илмий қурилмалар, ўқ отар қурол, шунингдек, пўлат ҳамда бошқа металлардан тайёрланган кўплаб маҳсулотлар.

Эслатиб ўтамиз, аввалроқ АҚШ Хитой маҳсулотларига қўшимча божлар киритмоқчи экани, янги божлар Қўшма Штатларга импорти йилига 50-60 млрд долларни ташкил қилувчи маҳсулотларга нисбатан киритилиши ҳақида хабарлар тарқалганди.