12:09 / 05.04.2018

“Sebzor” – мегаполис маромидаги шарқона шинамлик

Фото: Golden House

Замонавий ва эстетик турар-жой мажмуаси пойтахтнинг гавжум қисмида жойлашган бўлиб, ғарб инновацияси ва шарқ анъаналарини ўз ичига олади.

Мажмуа Себзор ва Нурафшон кўчалари кесишмасида жойлашган.

“Sebzor” турар-жой мажмуаси иккита 7 қаватли ва битта 8 қаватли бинодан ҳамда 110 та жойга мўлжалланган кенг автотураргоҳдан ташкил топган.

201 та квартиранинг ҳар бирида радиаторлар, дераза ромлари, шарқона услубдаги темир эшиклар ўрнатилган.

Квартираларда шифт баландлиги – 3 метрдан кам эмас, 2-қаватда эса – 4,5 метрни ташкил қилади.

Иссиқлик ва иссиқ сув таъминотининг автономияси мажмуа ҳудудида жойлашган ўз қозонхонаси томонидан таъминланади. Ҳар бир подъездда Финландиянинг Kone лифтлари ўрнатилган, коляска учун жой ажратилган ҳамда домофонлар қўйилган.

“Sebzor” турар-жой мажмуаси – бу янги қурилиш технолониялари ва Golden House’нинг асосий стандарт принциплари – ишончлилик, гўзаллик, қулайлик ва сифат комбинациясидир. Замонавий мажмуа замонавий шаҳар муҳитида қулай, хавфсиз ва осойишта кенглик фалсафасига яқин бўлган одамларни бирлаштиради.

Қулай жойлашув

Мажмуанинг инкор қилиб бўлмас афзаллиги – бу шаҳарнинг исталган қисмига тезкор ва қулай кириш имконини берадиган катта транспорт ўтказмасининг жойлашувидир.

Ижтимоий ривожланган инфратузилма катта устунликлардан бири: хиёбон, кўплаб кафе ва ресторанлар, дўконлар, дорихоналар ҳамда 2 та мактабгача таълим муассасаси, 3 та мактаб, Халқаро иқтисодиёт ва дипломатия университети қошидаги академик лицей, тиббиёт марказлари – буларнинг барчаси бўлажак яшовчиларнинг максимал қулайлиги учун.

Golden House бонуслар ва қўшимча хизматлар кўринишида квартира дизайнини тақдим қилади.

Барча квартиралар орасидан шамол ўтиши кўзда тутилган ва ҳар куни 2 соат давомида қуёш нурлари тушиб туради.

Квартиралар майдони қуйидагича:

Майдони 56,67,75 ва 86 кв.метрга тенг 2 хонали квартиралар;

Майдони 92, 97,102 ва 134 кв.метрга тенг 3 хонали квартиралар;

Майдони 132, 137, 145 ва 188 кв.метрга тенг 4 хонали квартиралар;

Майдони 245 кв.метрга тенг 5 хонали квартиралар.

Сифат

Узоқ йиллар давомида бир уйда қулай яшаш кўп жиҳатдан қурилиш жараёнида ишлатиладиган материалларга боғлиқ.

Масалан, мазкур турар-жой мажмуасида том ёпиш учун профилланган лист ёки профнастилдан фойдаланилган. Профнастил – трапеца шаклини эслатувчи қисмлардан иборат профилланган лист ҳисобланади. Ушбу материал совуқ усулда махсус ускунада – профил эгувчида тайёрланади. Шу сабабли, профнастил қатлами об-ҳаво ўзгаришларига идеал тарзда мослашади, коррозияга учрамайди ва қуёш нурлари остида куймайди.

― Материалнинг хизмат қилиш муддати 50 йилгача

― Фойдаланиш ҳароратининг диапазони – 50 дан +70 гача

― Механик зиёнга қаршилиги

― Материал енгиллиги

― Куйишга юқори чидамлилиги

― Экологик тоза ва хавфсиз материал

Хизмат кўрсатиш

MMG бошқарув компанияси қонуний, техник ва коммунал масалаларни ўз ичига олувчи ҳамда кўчмас мулкни тўлиқ бошқарадиган ва унга хизмат кўрсатадиган компания ҳисобланади.

Бошқарувнинг очиқ тури яшовчиларнинг ўз уйининг турмуш шароитида иштирок этиш, объектга хизмат қилиш бўйича таклифни бериш ва истакларни бажариш имконини яратади.

Кўп квартирали уйларни бошқариш – бу уйнинг тўлиқ ҳаётини таъминлашга, турар-жой эгалари ва уларнинг оилаларига қулай шароит яратишга қаратилган чора-тадбирлар комплексидир.

MMG сифат стандартларига мувофиқ тўлиқ хизмат циклини тақдим қилади.

― Турар-жой мажмуаси ҳудудида киришни назорат қилиш бўйича иш олиб бориш (подъездлар, уй олди ҳудудлари)

― Турар-жой мажмуасининг муҳандислик ускуналари эксплуатацияси

― Таъмирлаш ва парвариш қилиш хизматлари

― Уйларни мавсумий эксплуатацияга тайёрлаш

― Коммунал хизматларнинг ҳисоблагичларига хизмат кўрсатиш

― Тун-кун ишлайдиган авария-таъмирлаш хизмати

― Умумий фойдаланиш ва уй олди ҳудудини тозалаш ишлари

― Чиқинди олиб кетишни чақириш

Компания уйларнинг ишончли бошқаруви учун барча шароитларни яратиб беради.

Ипотека

Асосий шартлар

Қарз олувчи/кафил шахс кредит берилиши ва сўндирилиши вақтида 18 ёшдан пенсия ёшигача бўлган ишга лаёқатли инсон бўлиши;

Банк жойлашган ҳудудда доимий рўйхатда туриши;

Сўнгги иш жойида камида 6 ой иш стажига эга бўлиши;

Асосий қарздорлик ва кредит фоизини тўлашга қодир бўлган барқарор даромад (маош, якка тартибдаги тадбиркорликдан даромад, дивидендлар ва бошқа);

Салбий кредит тарихи йўқлиги.

Ипотекага уй-жой сотиб олиш қуйидаги босқичлардан иборат:

• банкда консультация ва дастлабки шартларни аниқлаш;

• мижоз томонидан ҳужжатларни тўплаш;

• банкка ҳужжатларни топшириш;

• банк томонидан кредит берилишини кўриб чиқиш;

• ижобий қарор чиқиши;

• банк ва мижоз ўртасида кредит шартномасини имзолаш;

• сотувчи (қурувчи)га кафолат хатини тақдим қилиш;

• квартиранинг олди-сотди жараёнини нотариал расмийлаштириш;

• мижоз номига квартирага эгалик қилишини расмийлаштириш;

• квартирани банкка депозит сифатида ўтказиш;

• банк томонидан уй-жой эгасига пул тўлаш.

РЎЙХАТДАН ЎТКАЗИШ ВА ЮРИДИК ҲУЖЖАТЛАР

― Кредит аризаси (Банк шакли бўйича)

― Қарз олувчи/кафилнинг солиқ органларидан СТИР (ИНН) олганлиги ҳақида маълумотноманинг нусхаси;

― Қарз олувчининг паспорт нусхаси (талаб этилган тақдирда қарз олувчининг оила аъзолариники, яъни кафилники);

― Барча оила аъзолари ҳамда қарамоқдагилари кўрсатилган яшаш жойидан маълумотнома;

― Иш жойидан лавозими ва ишлаш муддати кўрсатилган маълумотнома, меҳнат дафтарчаси нусхаси (талаб этилган тақдирда қарз олувчининг оила аъзолариники, яъни кафилники);

― Қарз олувчининг соф даромадини кўрсатувчи, даромад солиғи ушлаб қолингани ва пенсияга ўтадиган маблағни кўрсатувчи ҳамда сўнгги 12 ой ичида ҳар қандай тўловни кўрсатувчи маълумотнома (талаб этилган тақдирда қарз олувчининг оила аъзолариники, яъни кафилники) ёки пул кўринишида барқарор даромадни кўрсатувчи бошқа турдаги ҳужжат (ўриндошлик асосидаги иш, қимматбаҳо қоғозларга инвестициялардан доимий даромадлар, узоқ муддатли депозитлардан фоизлар, дивиденд ва бошқалар);

― Банк кредити томонидан сотиб олинаётган уй-жой ёки квартирага эга бўлганлигини кўрсатувчи ҳужжатлар (агар уй-жой ёки квартира олдин сотилган бўлса олди-сотди шартномаси) ҳамда уй-жой/квартираларнинг кадастр ҳужжатлари (оригинал + нусха).

* Банк кредит бўлимининг ходими томонидан кредит бериш тўғрисида ариза кўриб чиқилаётганда кредит битимининг ўзига хос хусусиятларига қараб қўшимча ҳужжатлар талаб қилиниши мумкин.

Бонуслар

Golden House томонидан “Sebzor” турар-жой мажмуасида квартира сотиб олинганда акция ишга туширилди.

Акция “Sebzor” турар-жой мажмуасидаги квартираларга 2018 йилнинг 30 июнига қадар амал қилади.

Чегирма ҳажми қуйидаги мезонларга мувофиқ белгиланади:

9% – 2 хонали квартира харид қилинганида;

5% – 3 хонали;

8% – 4 хонали;

12% – 5 хонали

ҳамда 9% – 2 қаватда жойлашган квартираларга.

- квартира иккита мезонга мос келса, максимал чегирма қўлланилади.

“Sebzor” турар-жой мажмуаси ҳақида кўпроқ билишни истайсизми?