Қўшимча функционаллар
-
Тунги кўриниш
АҚШ россиялик олигархларга қарши санкцияларни бугун жорий этиши кутилмоқда
Фото: Joshua Roberts/Reuters
АҚШ маъмурияти россиялик қатор сиёсатчилар ва тадбиркорлар учун янги санкциялар ҳақида жума, 6 апрель куни эълон қилади. Бу ҳақда The Wall Street Journal манбаларга асосан хабар бермоқда.
Нашр маълумотига кўра, Оқ уй Россиядаги «ҳукмрон элита»нинг баъзи вакилларига қарши санкцияларни 6 апрель куни жорий этиш ҳақида қарор қабул қилган. Шу билан бирга, чеклов чоралари Россия президенти Владимир Путинга яқин бўлган олигархлар, сиёсатчилар ва иттифоқчиларга қарши қаратилган бўлади.
Таъкидланишича, АҚШ маъмурияти тегишли баёнот билан чиқади.
Эслатиб ўтамиз, аввалроқ АҚШ россиялик олигархларга қарши санкциялар жорий этиши хабар берилганди.
Скрипаль иши
Буюк Британия фойдасига жосуслик қилган ГРУ собиқ полковниги Сергей Скрипаль 4 март куни заҳарланди. Буюк Британия бу суиқасдда Россияни айблади
