Цукерберг Facebook’даги ҳимоя бўйича иккита янги чорани маълум қилди
Facebook компанияси раҳбари Марк Цукерберг ижтимоий тармоқдаги саҳифасида янги чоралар ҳақида хабар берди. Улар ижтимоий тармоқ раҳбарияти томонидан «ижобий дискурс яратиш» ва қатор давлатларда режалаштирилаётган сайловларга эҳтимолий аралашув ҳаракатларининг олдини олиш мақсадида жорий этилиши кутилмоқда.
«Биринчидан, бугунги кундан сиёсий ёки жамоатчиликка аҳамиятли бўлган мавзуда реклама жойлаштиришни хоҳлаган ҳар бир реклама берувчи ўз шахсини тасдиқлаши керак», - дея ёзди Цукерберг.
Текширувдан ўтишдан бош тортганларга шундай мавзуларда реклама жойлаштиришга рад жавоби берилади, уларнинг ўзи эса рекламага буюртма берганлар ҳақида маълумотни эълон қилиши лозим.
«Иккинчидан, биз оммабоп саҳифалар эгаларидан ҳам текширувдан ўтишни сўраймиз», - дея қўшимча қилиб ўтди у.
Маълумотларга кўра, бундай чоралар саҳифаларни сохта аккаунтлар орқали бошқаришга имкон бермайди, шунингдек, ёлғон хабар тарқалишининг олдини олади.
Мавзуга оид
09:31 / 28.08.2024
Цукерберг пандемияда Оқ уйнинг Meta’га босими ҳақида маълум қилди
22:51 / 05.03.2024
Facebook ва Instagram бутун дунё бўйлаб вақтинча ишламай қолди
21:32 / 01.02.2024
Цукерберг ижтимоий тармоқлар қурбони бўлган ўсмирларнинг ота-онасидан узр сўради
22:14 / 11.08.2023