Англия чемпионатининг 33-турида «Арсенал» «Саутҳемптон»ни қабул қилди. Лондондаги «Эмирейтс» стадионида кечган учрашув майдон эгаларининг 3:2 ҳисобидаги ғалабаси билан якунланди.
Ўйинда биринчи бўлиб меҳмонлар ҳисобни очганди, Шейн Лонг 17-дақиқада аниқ ҳаракат қилди. Кўп ўтмасдан Дэнни Уэлбекнинг пасидан кейин Пьер-Эмерик Обамейянг ҳисобни тенглаштирди, 38-дақиқада Уэлбекнинг ўзи гол уриб, жамоани олдинга бошлади. «Саутҳемптон» сафида Чарльз Остин 73-дақиқада яна бир гол урди - 2:2. Аммо 81-дақиқада Уэлбек дублни расмийлаштириб, ўйин қаҳрамонига айланди - 3:2.
Икки жамоадан ҳам биттадан футболчи ўйин охирида майдондан четлатилди.
Бу ғалаба «Арсенал» АПЛда қаторасига учинчи ғалабага эришиши бўлди. Эндиликда Арсен Венгер жамоаси 54 очко билан олтинчи ўринда бормоқда, «Саутҳемптон» 28 очко билан 18-ўринда.
Англия чемпионати
33-тур
Арсенал – Саутҳемптон 3:2 (2:1, 1:1)
Голлар: 0:1 – 17 Лонг, 1:1 – 28 Обамеянг, 2:1 – 38 Уэлбек, 2:2 – 73 Остин, 3:2 – 81 Уэлбек.
Арсенал – Чех, Чемберс, Колашинац, Бельерин (Холдинг, 74), Мустафи, Ивоби, Чака, Эль-Ненни, Уэлбек, Нелсон (Уилшер, 64), Обамеянг (Ляказетт, 71).
Саутҳемптон – Маккарти, Худт, Йосида (Остин, 72), Бертран, Стивенс, Ромеу, Уорд-Проуз, Тадич, Хейбьерг, Соареш, Лонг (Симс, 80).
Огоҳлантиришлар: Беллерин (50), Уилшер (90), Худт (90).
Четлатишлар: Стивенс (90), Эль-Ненни (90).
