Япониянинг Фукуи префектурасида 17 йил ичида илк бор апрелда қор ёғди. Тоғли ҳудудларда ҳамда Оно шаҳрида қор қалинлиги 7-11 смни ташкил қилган, ҳаво ҳарорати эса февралдаги меъёрга мос келган ва 4-5 даражадан кўтарилмаган.
Метеорологларнинг айтишича, қор соҳилда ҳосил бўлган паст босим соҳаси ва совуқ ҳаво оқимлари туфайли юз берган. Қорлардан кейин ҳудудда ёмғир ёғиши кутилмоқда.
Маҳаллий аҳоли ижтимоий тармоқларда қор остида қолган гуллаётган сакуранинг ўнлаб суратлари билан бўлишишган.
