Эслатиб ўтамиз, аввалроқ Facebook 87 миллиондан ортиқ фойдаланувчи шахсий маълумоти сизиб чиққани ҳақида маълум қилди – бундан аввал эса гап 50 млн ҳақида кетганди.
Facebook мессенжерининг кўплаб фойдаланувчилари янги вирусдан шикоят қилишмоқда. Унга кўра, вирус сизнинг аватаркангиздан юборилган видео кўринишида экани айтилмоқда. Бу ҳақида қатор фойдаланувчилар ва кўплаб гуруҳларда муҳокамалар авжида.
"Менинг мессенжеримдан йўлланган видеони очманглар, бу вирус. Мен ҳеч кимга видео юборганим йўқ", - деб ёзишмоқда Facebook'да. Маълумотларга кўра, бу вирус сизнинг ҳаётингизга, компьютер ёки телефонингизга таҳдид солмайди.
Шунчаки йўлланган ҳаволага боссангиз, қандайдир сайтга кирасиз. Барча дўстларингизга эса сизнинг номингиздан шундай ҳавола йўлланади. Огоҳ бўлинг!
Таъкидлаш жоизки, бундан аввал Facebook 87 миллиондан зиёд фойдаланувчининг шахсий маълумотига кириш имкони пайдо бўлишида айбланган эди ва компания раҳбари Марк Цукерберг бунинг учун барчадан узр сўраганди. Айни дамда ижтимоий тармоқни хавфсизлантиришга доир чоралари кўрилаётгани маълум қилинган. Мессенжер орқали вирус тарқалиши сабабларига ҳозирча ҳеч қандай расмий изоҳ берилгани йўқ.
