БМТ бош котиби Сурия масаласида босиқликка чақирди

Фото: AP Photo / Efrem Lukatsky

БМТ бош котиби Антониу Гутерреш АҚШ, Франция ва Буюк Британия қуролли кучлари Сурияга зарба берганидан кейин вазиятни кескинлаштирмаслик учун барча давлатларни босиқлик кўрсатишга чақирди.

“Мен БМТга аъзо барча давлатларни бу хавфли вазиятда босиқлик кўрсатишга ва вазиятнинг кескинлашуви ҳамда Сурия халқи азоб-уқубатларининг чуқурлашувига олиб келувчи исталган ҳаракатлардан қочишга чақираман”, деб айтилган БМТ бош котиби баёнотида.

Тайёрлаган Шуҳрат Раҳимов

#АҚШ #Сурия

АҚШ президенти Дональд Трамп 14 апрель куни Сурияга нисбатан ракета ҳужуми бошланганини билдирди. АҚШ ва унинг иттифоқчилари Сурияда кимёвий қуроллар ишлатилишига жавобан Асад ҳукуматига қарши ҳарбий амалиёт ўтказмоқда.