Фото: pixabay.com
АҚШ сенати Оклахома штатидан республикачи конгрессмен Жеймс Брайденстайнни NASA директори лавозимига тайинлади. Бу ҳақда идора сайтида хабар берилган.
«Мен бундай имконият пайдо бўлганидан чуқур миннатдорман ва президент Дональд Трамп ҳамда вице-президент Майкл Пенсга ишонч учун раҳмат дейман. Мен NASA’нинг буюк жамоаси билан ишлаш имкониятини орзиқиб кутмоқдаман», - дея маълум қилди у.
Брайденстайн 2012 йилда конгрессменга айланган. У қуролли кучлар, илм-фан, космос ва технологиялар бўйича қўмита аъзоси бўлган, тўққиз йил давомида денгиз авиациясида хизмат қилган.
