Қўлланма: Жаҳон чемпионатига қандай бориш мумкин?

Ўзбекистоннинг Россиядаги элчихонаси расмий сайтида ЖЧ-218 ўйинларига қандай қилиб ташриф буюриш мумкинлиги борасида маслаҳатлар чоп этилди.

Унда қайд этилишича, Россия қонунчилигига кўра, спорт мусобақаларига ташриф буюриш учун виза олиш шарт бўлмайди. Бундай вазиятда жаҳон чемпионатига ташриф буюриш истагида бўлган мухлислар ID-картасини (мухлис паспорти) тақдим қилиши ёки жаҳон чемпионати учрашувига кириш учун чиқарилган чиптани сотиб олгани тўғрисида электрон ҳужжатни кўрсатиши керак бўлади. Бу ҳақда тўлиқ маълумот www.FAN-ID.ru сайтида эълон қилинган.

Ўзбекистон фуқаролари Россия Федерацияси ҳудудида ҳар 180 куннинг 90 кунида визасиз юра олиши мумкин.

Россияга визасиз ташриф буюрувчи мухлислар ID-картаси (мухлис паспорти) ёки жаҳон чемпионати учрашувига кириш учун чиқарилган чиптани сотиб олгани тўғрисида электрон ҳужжат билан мамлакатга ўйин бошланишидан 10 кун олдин келиши ва финал учрашуви ўтказилгандан 10 кун давомида мамлакат ҳудудидан чиқиб кетиши мумкин бўлади.

Россия Федерациясига автомобиль орқали келишни истаган хориж фуқаролари фақатгина халқаро транспорт қатнови рухсат берилган чегара постлари орқали кириб келишлари мумкин бўлади.

Ўзбекистон фуқаролари мухлислар паспортини Россия Федерациясининг махсус стационар марказларидан ҳам олиши мумкин.

Чет эл фуқаросининг паспорти мухлис паспорти амал қилиш муддатидан (2018 йил 25 июлгача) кам бўлмаслигига алоҳида эътибор қаратиш лозим, агар амал қилиш муддати бундан олдинроқ тугайдиган паспорт эгаларига мухлис паспорти расмийлаштирилмайди.

Мухлис паспорти нима? Қуйидаги скриншотлар орқали бу ҳақида маълумот олиш мумкин бўлади:

Мухлис паспортини қандай қилиб олиш мумкин?