Шоир Муҳаммад Юсуфнинг эълон қилинмаган суратлари

Ҳар йили баҳорнинг авж палласи, қизғалдоқлар қирга алвон сепини ёйган пайт - 26 апрель куни ўзбекнинг эрка шоири Муҳаммад Юсуф таваллуд топган кунни кенг нишонлаймиз.

Сана олдидан Ўзбекистоннинг барча ҳудудларида халқ шоирига бағишланган адабий тадбирлар, назм ва наво кечалари бўлиб ўтади.

Шоирнинг қизи Мадинабону ўз архивидан ҳали оммага тақдим этилмаган фотосуратларни бизга илинди.

“Йиллар ўтган сайин улғайяпман чоғи, дадамнинг шеърларини ҳар сафар такрор ўқиганимда янги-янги маъно уқаётганим рост. Мен бу жараённи – англаш дея атаган бўлардим. Ўқийвераман ва: “ Мана бу шеърида дадам мана бу гапни айтмоқчи бўлган экан-да?..” дея ўзим учун янгиликни кашф этаман. Ўзи суйган халқнинг кўз олдига падаримнинг сиймоси яна бир келсин, деб йиққан суратларимни сизлар билан баҳам кўрдим.

Балки, бу суратларни кимдир олдин ҳам кўргандир. Лекин, кенг жамоатчилик эмас. Архивим йил сайин дадам ҳаётлигида бирга суратга тушган инсонлардан олинган эсдаликлар билан бойиб бормоқда”,-дейди Мадина.

Эътиборингизга мазкур суратларни ҳавола этамиз.

Элмурод Эрматов, журналист