Ўзбекистонда суд-ҳуқуқ тизимида “Электрон жиноят иши” лойиҳаси амалга оширилади

Тошкентнинг икки туманида 1 декабрга қадар илк электрон жиноят ишларни татбиқ этиш режалаштирилмоқда. Бу президентнинг “Жиноят ва жиноят-процессуал қонунчилик тизимини тубдан такомиллаштириш чора-тадбирлари тўғрисида”ги қарори лойиҳаси билан назарда тутилган.

Суд-тергов фаолиятига замонавий АКТ жорий этилишининг паст даражаси суд-тергов амалиётидаги муаммолардан бири сифатида кўрсатилади.

Бош прокуратура қуйидагиларни таклиф қилган:

2018 йилнинг 1 декабрига қадар Тошкентнинг Яккасарой ва Миробод туманларида “Электрон жиноят иши” синов лойиҳасини ишга тушириш;

2019 йилнинг 1 октябрига қадар синов лойиҳаси натижалари бўйича жиноят ва жиноят-процессуал қонунчиликни такомиллаштиришга оид таклифларни киритиш.

Синов лойиҳаси доирасида ҳужжатларнинг ҳам қоғозли, ҳам электрон шакли фойдаланилади.

Иш ўринлари жиҳозланиши ва ички локал-ҳисоблаш тармоқларини яратиш тегишли вазирлик ва идоралар – синов лойиҳаси иштирокчиларининг ўз маблағлари ҳисобидан молиялаштирилади.

“Ўзбектелеком” Ахборот-коммуникация технологияларини ривожлантириш фонди маблағлари ҳисобидан алоқа каналлари билан таъминлаши керак.

“Электрон жиноят иши” тизими амалдаги ахборот тизимлари ва синов лойиҳаси иштирокчилари ресурслари билан интеграция қилинади.