Туркия тажрибасидан унумли фойдаланишимиз керак – Шавкат Мирзиёев

Ўзбекистон ва Туркия президентларининг оммавий ахборот воситалари вакиллари билан учрашуви бўлиб ўтмоқда. Шавкат Мирзиёевнинг айтишича, Туркия фуқаролари учун визалар бекор қилингани туризм ривожига катта туртки берди.

«Визани бекор қилганимиз туризмга катта туртки берди. Эндиликда, катта меҳмонхоналар қуришимиз, инфратузилмани ривожлантиришимиз лозим. Туркия бу соҳада катта тажрибага эга, унинг бу тажрибасидан унумли фойдаланиш бўйича йўл харитасига қўл қўйдик. Зиёрат туризми бўйича имкониятлардан фойдаланиш бўйича ҳам тегишли шартномалар имзоланди», - деди президент. 

«Президент Эрдўған Туркий тилдаги давлатлар йиғилиши кенгашининг Туркиядаги офисида фақат Ўзбекистон байроғи етишмаётгани ҳақида айтди. Бугун байроғимиз ҳилпираб туриши бўйича ҳам ижобий натижага эришдик. Туркий тилдаги давлатлар йиғилишининг навбатдаги саммити Бишкекда бўлиб ўтади, Ўзбекистон ҳам унда қатнашади», - деди Шавкат Мирзиёев.