Туркия мухолифати президентлик сайловларига номзод бўйича бир қарорга келди

Фото: haberegider.com

Туркиядаги мухолиф Халқ-республика партияси (ХРП) парламент фракцияси ХРПдан парламент депутати Муҳаррам Инже номзодини 24 июнь кунги президентлик сайловларига илгари сурди. Бундан овоз бериш якунлари дарак бермоқда.

Инже Ялова вилоятидаги парламент депутати саналади ҳамда ХРПнинг февраль ойидаги сўнгги қурултойида ХРП раиси сайловларида партиянинг амалдаги етакчиси Камол Қиличдорўғлининг рақиби бўлган.

Эслатиб ўтамиз, аввалроқ Туркияда ҳукмрон партиянинг парламентдаги фракцияси амалдаги давлат раҳбари Тоййиб Эрдўғанни 24 июнь кунги сайловларга мамлакат президенти лавозими учун номзод сифатида илгари сурганди. Эрдўғаннинг номзоди 316 депутат томонидан қўллаб-қувватланган.