Футболчи ўйин вақтида чақмоқ уришидан кейин ўзига келмай ҳаётдан кўз юмди

Фото: Фото: maritzburgunited.co.za

ЖАРнинг “Марицбург Юнайтед” клуби футболчиси Луанда Нцхангасе футбол учрашуви вақтида чақмоқ ургандан кейин 2 ой ўтиб шифохонада ҳаётдан кўз юмди. Бу ҳақда клуб маълум қилди.

Воқеа 1 март куни ўртоқлик учрашуви вақтида юз берган. 21 ёшли ҳужумчи чақмоқ ургандан кейин шифохонага етказилган ва комага киритилган. Чақмоқ, шунингдек, яна икки бошқа футболчига ҳам теккан, бироқ улар енгил жароҳатлар олишган.

“Биз Луанда, катта салоҳиятга эга ажойиб ўйинчининг ўлимидан қаттиқ қайғудамиз. “Марицбург Юнайтед” клуби номидан Нцхангасенинг оиласига таъзия билдирамиз”, деб айтилган клуб раисининг баёнотида.