Руҳоний Эрон уранни бойитишни қайта бошлашга тайёрлигини маълум қилди

Фото: Los Angeles Times

Эрон президенти Ҳасан Руҳоний эронлик ядрочиларга зарурат бўлган вақтда уранни бойитишни қайта бошлашга тайёр туришни буюрди.

“Мен Атом энергетикаси ташкилотига зарурат бўлганда чекланмаган миқдорда уранни бойитишни бошлашимизни буюрдим”, деб айтган Руҳоний АҚШнинг Эрон ядровий келишувини тарк этганига жавобан.

Руҳоний, шунингдек, ташқи ишлар вазирлигига бир неча ҳафта ичида ядровий келишувнинг қолган аъзолари, яъни Европа давлатлари, Россия ва Хитой билан музокаралар ўтказиш топшириғини берган.

АҚШ президенти Дональд Трамп 8 май куни АҚШнинг Эрон ядровий келишувидан чиқишини маълум қилди.