Россия минтақаларида ЖЧ-2018 вақтида кабоб пишириш тақиқланади

Россия ҳукуматининг фавқулодда вазиятларни бартараф этиш бўйича комиссияси футбол бўйича жаҳон чемпионати-2018 ўтказилиши вақтида ёнғинга қарши алоҳида режим жорий этади. Бу ҳақда «Известия» хабар бермоқда.

Нашр маълумотига кўра, алоҳида режим билан Россия минтақаларида ёнғин хавфсизлиги бўйича қўшимча чораларни жорий этиш назарда тутилмоқда. Хусусан, маҳаллий ҳокимият органлари гулхан ва қуриб қолган ўтлар ёқишни тақиқлайди. Минтақаларнинг аксариятида кабоблар пишириш билан бирга кечадиган сайрлар ҳам тақиқланади.

Россиядаги жаҳон чемпионати 14 июндан 15 июлга қадар бўлиб ўтади.

Эслатиб ўтамиз, аввалроқ Украинада ЖЧ-2018 трансляцияси ўлим билан тенглаштирилганди.