ТИВ Қирғизистонга бораётган Ўзбекистон фуқароларига мурожаат билан чиқди

Қирғизистон Республикаси Ҳукуматининг 2016 йил 19 декабрдаги 689-сонли «Чет эл фуқароларининг ва фуқаролиги йўқ шахсларнинг Қирғизистон ҳудудида рўйхатдан ўтиши» тўғрисидаги қарорига мувофиқ, чет элликлар, шу жумладан Ўзбекистон фуқаролари ҳам Қирғизистон Республикаси давлат чегарасини кесиб ўтган кундан бошлаб 5 (беш) иш куни мобайнида рўйхатдан ўтишлари шарт, деб хабар бермоқда ТИВ ахборот хизмати.

Қирғизистон ҳудудида ўрнатилган тартибларга риоя қилмаган шахсларга нисбатан Қирғизистон Республикаси қонунчилигида белгиланган 10 000 сом миқдорида жарима жазоси қўлланилади.

Қайд этилишича, батафсил маълумотни Ўзбекистон Республикасининг Қирғизистон Республикасидаги элчихонаси расмий веб-саҳифасидан (www.uzbekistan.kg) ёки элчихонанинг консуллик бўлимига қуйидаги телефон орқали мурожаат қилиб олиш мумкин: +996 (312) 986-296.