«Ювентус» иккита чемпионлик рекордини янгилади

«Ювентус» Италия чемпионатининг 37-тури доирасида «Рома» билан меҳмонда дуранг қайд этди. Римдаги «Олимпико» стадионида кечган беллашув 0:0 ҳисобида якунланди.

«Ювентус» (92 очко) ушбу натижадан сўнг, А Серия турнир жадвалида «Наполи»нинг (88) ўзига етиб олиш имконини йўққа чиқарди ва қаторасига еттинчи чемпионлигини муддатидан аввал расмийлаштирди. Шу тариқа, туринликлар Италия чемпионатини кетма-кет ютиб олиш бўйича ўз рекорд кўрсаткичларини янгилашди. Бу кўрсаткич бўйича иккинчи ўйин «Интер»да, у А Серияни 2006-2010 йиллар давомида беш маротаба ютиб олган.

Шунингдек, «Ювентус» Италия чемпионатидаги ғалабалар умумий сони бўйича ўз рекордини янгилади – 34. Бунда иккинчи ўринни «Милан» ва «Интер» бўлишиб турибди (18тадан).