Туннелга кирган велосипедчилар поезд остида қолишларига бир бахя қолди (видео)

Бразилияда икки велосипедчи қаровсиз деб ўйлаган туннеллари орқали ўтмоқчи бўлганларида поезд остида қолишларига бир бахя қолди.

Воқеа ҳақида Facebook’да велосипечилардан бири Жедсон Жил Миранда маълум қилди. Айнан унинг шлемидаги камера хавфли вазиятни тасвирга олган.

Видеода Миранда дўсти Фелипе Виейра билан бўш туннелга кирганини кўриш мумкин. Кутилмаганда улар поезд гудогини эшитиб, ёрқин нурни кўришади. Қўрқиб кетган дўстлар велосипедларини ташлаб, туннелдан ташқарига чиқишга ошиқишади. Улар туннелдан чиқиб кетишлари биланоқ поезд уларнинг ёнидан ўтиб кетади.

“Биз ақлсизлик қилдик, темир йўл туннеллари уларда велосипедда ёки пиёда юриш учун мўлжалланмаган. Тангрига шукр, ҳаммаси яхшилик билан тугади. Бу бошқаларга ўрнак бўлсин”, деб айтган Миранда.