Ўзбекистонга парвоз қилган йўловчи самолёти Екатеринбургда фавқулодда қўнди

Фото: ytimg.com

Россия Федерацияси Тергов қўмитасининг Урал тергов бошқармаси “Екатеринбург-Самарқанд” рейсини амалга ошираётган Airbus A320 самолётининг “Кольцово” аэропортига фавқулодда қўнишини текширувдан ўтказмоқда.

Дастлабки маълумотларга кўра, борт 16 майда маҳаллий вақт билан соат 01:04да фавқулодда қўнган.

Самолётда 47 киши, жумладан, 6 нафар экипаж аъзоси бўлган. Қўниш чоғида ҳеч ким жароҳатланмади, ҳаво кемасига зарар етмади.

Текширув давомида ҳодисанинг сабаблари аниқланади. Унинг натижаларига асосан процессуал қарор қабул қилинади.