Россияда илк қирғиз қишлоғи пайдо бўлди

Россияда илк қирғиз қишлоғи “Ала-Тоо-1”га асос солинди. Бу ҳақда “Ала-Тоо-1” компанияси раҳбари ўринбосари Гулмира Казибекова маълум қилди.  

Қишлоқ Москвадан 120 км узоқликда, Пахомово станцияси яқинида жойлашган.

“Қишлоқ барпо этилган ер Тула вилоятига қарашли, бироқ Москвага яқинроқ, пойтахтдан машинада бир соатлик масофада жойлашган. Қишлоқда ҳаммаси бўлиб 600 та ер майдони сотилган, тахминан 40 киши уйларга жойлашган. Электр энергия бор, бироқ газ қишлоқнинг ярми қурилгач ўтказилади. Яқин атрофда завод, фабрикалар бор. Шу туфайли ҳамюртларимиз у ерга ишга жойлашишлари, фарзандларини боғчаларга беришлари мумкин. Ер майдонини Қирғизистон фуқароси паспорти бўйича сотиб олиш мумкин”, деб маълум қилди Казибекова.

Унинг айтишича, дастлаб қишлоқни қуриш учун 5 гектар ер сотиб олинган. 

“Россиядаги муҳожирларнинг деярли 80 фоизи Россия фуқаролигини олган. Шу сабабли бизнинг қишлоқ бўлишини истадик. Рязань вилоятида ҳам қирғизларга ер сотила бошланибди. Бироқ биз Россияда ҳозирча биринчи бўлсак керак”, деб қўшимча қилган Казибекова.