Арманистонда жиноят олами етакчиларига “ов” бошланди

Фото: РИА «Новости»

Арманистон ҳуқуқ-тартибот идоралари жиноят олами вакиллари билан профилактик суҳбатлар ўтказа бошладилар. Улар “конвейер усулида” полиция бўлимларига етказилмоқдалар.

Охирги 3 кун ичида полиция бўлимларига 10 дан кўпроқ “қонундаги ўғрилар” ва 30 га яқин криминал етакчилар етказилган. Полициячилар улардан қонунга хилоф фаолиятдан тийилишни сўрашган.

Shamshyan нашри манбаларининг маълум қилишича, ушбу тадбирларнинг ўтказилишида Арманистоннинг уюшган жиноятчиликка қарши курашиш бошқармаси муҳим роль ўйнамоқда. Шунингдек, ушбу жараёнга Арманистон полициясининг жиноят қидирув бош бошқармаси ҳам жалб қилинган.