Armanistonda jinoyat olami yetakchilariga “ov” boshlandi

Armaniston huquq-tartibot idoralari jinoyat olami vakillari bilan profilaktik suhbatlar o‘tkaza boshladilar. Ular “konveyer usulida” politsiya bo‘limlariga yetkazilmoqdalar.

Oxirgi 3 kun ichida politsiya bo‘limlariga 10 dan ko‘proq “qonundagi o‘g‘rilar” va 30 ga yaqin kriminal yetakchilar yetkazilgan. Politsiyachilar ulardan qonunga xilof faoliyatdan tiyilishni so‘rashgan.

Shamshyan  nashri manbalarining ma'lum qilishicha, ushbu tadbirlarning o‘tkazilishida Armanistonning uyushgan jinoyatchilikka qarshi kurashish boshqarmasi muhim rol o‘ynamoqda. Shuningdek, ushbu jarayonga Armaniston politsiyasining jinoyat qidiruv bosh boshqarmasi ham jalb qilingan.