«Россия империясидан узоқроқ бўлиш». Порошенко ўз миссиясини айтди
Украина президенти Пётр Порошенко давлат раҳбари лавозимидаги ўз миссияси ҳақида айтиб берди. Бу ҳақда у сиёсий қатағонлар қурбонлари хотирасига бағишланган ҳамда «Быковнянские могилы» қўриқхонасида ташкил этилган тадбирда маълум қилди, деб хабар бермоқда УНН.
«Мен ўз миссиямда Украина жамиятининг аксарият қисми қўллаб-қувватловини ҳис этмоқдаман. У шундан иборатки, - Украина Россия империясига яқинлашиш бўйича жуда хавфли ҳудуддан ортга қайтариб бўлмас тарзда чиқиши керак. Биз, Украина халқи, ўз танловимизни амалга оширдик. Биз Россия таъсир доирасидан ишонч билан чиқиб кетмоқдамиз», - деди Порошенко.
Унинг сўзларига кўра, давлат Украина халқи тарихини тиклаш ва сақлаб қолишга йўналтирилган, шунингдек, демократия ва гуманизм, инсон ҳуқуқ ҳамда эркинликлари идеалларига риоя этилишини таъминловчи сиёсатни олиб бормоқда.
Эслатиб ўтамиз, аввалроқ Порошенко Украина вакилларини МДҲнинг барча устав органларидан чақиртириб олганди.
Мавзуга оид
21:55 / 08.10.2024
Украина бўйича иккинчи тинчлик саммити ноябр ойида ўтказилмайди
17:12 / 08.10.2024
Шимолий Корея Россияни қўллаш учун Украинага ҳарбийларини юбориши мумкин
14:38 / 08.10.2024
«Украинасиз бўлса — йўқ». Ҳаррис урушни якунлаш масаласида Путин билан бевосита музокара олиб бормаслигини айтди
12:20 / 08.10.2024