АҚШ бутун дунё учун ҳал қила олмайди – Руҳоний 

Эрон президенти Ҳасан Руҳоний Теҳронга янги талаблар қўяётган АҚШ бутун дунё учун ҳал қила олмаслигини айтди.

Аввалроқ АҚШ давлат котиби Майк Помпео ўз нутқида Эронга нисбатан 12 та талабдан иборат рўйхатни баён этган.

“Сиз кимсизки, Эрон ва бутун дунё учун ҳал қиласиз?”, деб айтган Руҳоний.

Помпео ўз нутқида АҚШ Эрондан ядровий қуролни тарқатмасликдан ташқари, минтақадаги сиёсатини ўзгартиришни талаб қилган. Жумладан, АҚШ Эрондан ўз объектларига МАГАТЭга киришни таъминлашни, баллистик ракеталар ишлаб чиқариш ва Яқин Шарқдаги террорчилик гуруҳлари, жумладан “Ҳизбуллоҳ” ва ХАМАСни қўллаб-қувватлашни тўхтатишни талаб қилган.