2018 йил 12 май куни соат 22:00ларда Самарқанд туманида яшовчи ишсиз С. маст ҳолда ўзининг «Москвич» русумли автомашинасини Самарқанд шаҳрида бошқариб кетаётганида, уни тўхтатиб, Самарқанд вилоят наркология диспансерида тиббий кўрикдан ўтказмоқчи бўлган вилоят ИИБ ЙҲХБ инспекторлари Ф. ва А.га фаол қаршилик кўрсатиб, уларга тан жароҳати етказган.
Бу ҳақда Бош прокуратура матбуот хизмати хабар бермоқда.
Қайд этилишича, мазкур ҳолат юзасидан Самарқанд шаҳар прокуратураси томонидан С.га нисбатан Ўзбекистон Республикаси Жиноят Кодексининг 219-моддаси 2-қисми (ҳокимият вакилига қаршилик кўрсатиш) билан жиноят иши қўзғатилиб, тергов ҳаракатлари олиб борилмоқда.
