Путин Трампнинг Эрон бўйича позициясига изоҳ берди
Россия президенти Владимир Путин америкалик ҳамкасби Дональд Трамп Эрон билан ядровий келишувдан чиқиб ютқазди, деб ҳисобламайди, бироқ агар келишув барбод бўлса, ундан кўпчилик ютқазади.
“Биз бундай бўлмаслиги учун барча ишни қилишимиз керак. Бунинг учун жараённинг барча иштирокчилари ва биринчи навбатда АҚШ билан ишлаш керак”, деб айтган Путин Петербург халқаро иқтисодий форуми йиғилишида.
Унинг айтишича, ушбу келишув асосан АҚШ ва Эрон мулоқоти натижаларига кўра тузилган. “Демак, барча мураккабликларга қарамай, ушбу икки давлат ўшанда келиша олган-ку”, деб қўшимча қилган Путин.
Путиннинг таъкидлашича, Трамп Эрон билан музокаралар учун “эшикни ёпмаган”, бироқ келишувлар сақланиб қолинмоқчи бўлса, вазиятни кескинлаштирмаслик лозим.
“АҚШ президенти музокаралар учун эшикни ёпмаяпти. Гап шундаки, уни келишувда кўп нарса қониқтирмайди, бироқ у Эрон билан келишувларни истисно қилмаяпти. Бироқ бу фақат икки томонлама ҳаракатли йўл бўлиши мумкин, шу сабабли бирор нарсани сақлаб қолишни истасак, вазиятни ортиқча кескинлаштирмаслик, балки музокаралар жараёни учун эшикни очиқ қолдириш лозим. Фикримча, ҳали ҳаммаси йўқотилмаган”, деб айтган Путин.
Мавзуга оид
17:53
АҚШда резавор мевалар етиштирувчи вертикал ферма ташкил этилди
22:33 / 07.10.2024
АҚШ Қозоғистонда АЭС қуриш бўйича тендерда иштирок этиш истагини билдирди
22:07 / 07.10.2024
Эрон Исроил ҳужуми содир бўлган тақдирда камида 10 та чора сценарийсини тайёрлади
11:41 / 07.10.2024